គណ:គ្រប់គ្រង

លោក​ ឆាយ សេងអៀង មានតួនាទីជា ប្រធានក្រុមប្រឹក្សាភិបាល និងជាម្ចាស់ភាគហ៊ុន នៃ គ្រឹះស្ថានសាមគ្គី ឃែភីថល ម.ក លោកមានបទពិសោធន៍ច្រើនជាង១០ ឆ្នាំលើវិស័យហិរញ្ញវត្ថុ។ ចាប់តាំងពីឆ្នាំ២០១១ ដល់ ឆ្នាំ២០១៥ លោកជាប្រធានក្រុមប្រឹក្សាភិបាល នៃហាងបញ្ចាំ ឆាយ អាន និងចាប់ពីឆ្នាំ២០១៥ ដល់បច្ចុប្បន្ន លោកគឺជាប្រធានក្រុមប្រឹក្សាភិបាល របស់ សាមគ្គី ឃែភីថល ម.ក ។ ក្រៅពីនេះលោកក៍កាន់កាប់មុខជំនួញផ្ទាល់ខ្លួនជាច្រើនផងដែរ ។

លោកស្រី ឆាយ ចាន់ណា មានតួនាទីជា អភិបាល និងជាម្ចាស់ភាគហ៊ុនមួយរូប នៃ គ្រឹះស្ថាន សាមគ្គី ឃែភីថល ម.ក ផងដែរ ។ លោកស្រីមានបទពិសោធន៍ជាច្រើនទាក់ទងនឹងវិស័យហិរញ្ញវត្ថុ ចាប់តាំងពីឆ្នាំ២០១១ ដល់ឆ្នាំ២០១៥ លោកស្រីគឺជានាយិការចាត់ការទូទៅរបស់ហាងបញ្ចាំ ឆាយ អាន កន្លងមក ។ លោកស្រីធ្លាប់ជានាយិការចាត់ការទូទៅរបស់សាមគ្គី ចាប់ពីឆ្នាំ២០១៥ ដល់ឆ្នាំ២០២២ ។ លោកស្រីចូលរួមជា អភិបាល សាមគ្គី ឃែភីថល ចាប់តាំងពីឆ្នាំ២០១៥ រហូតមកដល់បច្ចុប្បន្ន។ ក្រៅពីវិស័យហិរញ្ញវត្ថុ លោកស្រីក៏មានមុខជំនួញផ្ទាល់ខ្លួនមួយចំនួនផងដែរ ។

លោក​ ជុង ចិត្តា មានតួនាទីជា អភិបាល និងជាម្ចាស់ភាគហ៊ុនមួយរូប របស់ គ្រឹះស្ថានសាមគ្គី ឃែភីថល ម.ក ។ លោកមានបទពិសោធន៍ជាច្រើនទាក់ទងនឹងវិស័យហិរញ្ញវត្ថុចាប់តាំងពីឆ្នាំ១៩៩៥ មកដល់បច្ចុប្បន្ននេះ ។  លោកបានបញ្ចប់ថ្នាក់បរិញ្ញាបត្រជាន់ខ្ពស់ ផ្នែកធុរកិច្ច និងរដ្ឋបាល, បរិញ្ញាបត្រពាណិជ្ជកម្ម និងរដ្ឋបាល ពីសាលាគ្រប់គ្រងឧត្តមសិក្សាអូស្ត្រាលី និងបានបញ្ចប់ការសិក្សាពីសាកលវិទ្យាល័យជាច្រើនទៀតដូចជា៖ សាកលវិទ្យាល័យ New South Wales សាកលវិទ្យាល័យ Australia Victoria University Wellington ប្រទេសនូវែលសេឡង់ គណនេយ្យករ Chartered- Institute of Chartered Accountants of Australia, New Zealand និង វិទ្យាស្ថានគណនេយ្យករជំនាញ និងសវនកម្មកម្ពុជា ។ បច្ចុប្បន្ននេះ ក្រៅពីជា អភិបាល របស់សាមគ្គី ឃែភីថល លោកក៏ជា Audit Partner របស់ ក្រុមហ៊ុន Fides Services Cambodia ផងដែរ ។

លោកស្រី ង៉ោ ងួនធារី មានតួនាទីជា ប្រធានក្រុមប្រឹក្សាភិបាល និងជាម្ចាស់ភាគហ៊ុនមួយរូប នៃ គ្រឹះស្ថាន សាមគ្គី ឃែភីថល ម.ក ផងដែរ ។ ចាប់តាំងពីឆ្នាំ២០០២ ដល់ ឆ្នាំ២០០៦ លោកស្រី គឺជាអ្នកស្រាវជ្រាវម្នាក់ពី វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) និងគ្រឹះស្ថាន Oxfarm America ពីឆ្នាំ២០០៦ ដល់ឆ្នាំ២០០៧ ។ លោកស្រីបានចូលជាអភិបាល របស់ សាមគ្គី ឃែភីថល ចាប់ពីឆ្នាំ២០១៥ រហូតដល់បច្ចុប្បន្ន ។ លោកស្រីបានបញ្ចប់ថ្នាក់បរិញ្ញាបត្រជាន់ខ្ពស់ ស្ដីពីការអភិវឌ្ឍន៍នៅឆ្នាំ២០០៦ ​ពីសកលវិទ្យាល័យហ្សឺណែវប្រទេសស្វីស  បញ្ចប់បរិញ្ញាបត្រផ្នែកគ្រប់គ្រងនៅឆ្នាំ២០០២ ពីសកលវិទ្យាល័យជាតិគ្រប់គ្រង និង ផ្នែកវិទ្យាសាស្ត្រកុំព្យូទ័រនៅឆ្នាំ២០០២ ពីសកលវិទ្យាល័យភូមិន្ទភ្នំពេញ​ ។

លោកស្រី ស៊ុន រ៉េន មានតួនាទីជា នាយិការចាត់ការទូទៅ របស់ គ្រឹះស្ថានសាមគ្គី ឃែភីថល ម.ក ។ លោកស្រីបានចូលធ្វើការជាមួយសាមគ្គីតាំងពីឆ្នាំ ២០១៦ ដែលផ្តើមពីតួនាទីប្រធានហិរញ្ញវត្ថុ រហូតមកដល់ឆ្នាំ២០២១ លោកស្រីត្រូវបានតែងតាំងដោយក្រុមប្រឹក្សា     ភិបាល និងបានទទួលស្គាល់ជាផ្លូវការពីធនាគារជាតិ នៃកម្ពុជា ជានាយិការចាត់ការទូទៅរបស់សាមគ្គី រហូតមកដល់បច្ចុប្បន្ន ។ លោកស្រីបានបញ្ចប់ថ្នាក់បរិញ្ញបត្រ Business Administration ( Accounting) និងបរិញ្ញាបត្រជាន់ខ្ពស់មុខជំនាញហិរញ្ញវត្ថុ មិនតែប៉ុណ្ណោះ លោកស្រីបានចូលរួមវគ្គបណ្តុះបណ្តាល ជាច្រើនទាក់ទងនឹងវិស័យហិរញ្ញវត្ថុនេះផងដែរ ។

កញ្ញា ផន សុផា បានចូលសាមគ្គី ឃែភីថល ជាប្រធានប្រតិបត្តិតាម នៅខែមេសា ឆ្នាំ២០២៤ ។ កញ្ញាធ្លាប់ចូលរួមវគ្គបណ្តុះបណ្តាលជាច្រើនពាកព័ន្ធនឹងច្បាប់ និងបទប្បញ្ញាត្តិ ជាពិសេស ច្បាប់ និងបទប្បញ្ញតិ្តរបស់ធនាគារជាតិ នៃកម្ពុជា ។ កញ្ញាចាប់អាជីពក្នុងវិស័យមីក្រូហិរញ្ញវត្ថុចាប់ពីឆ្នាំ២០១៧ ដែលចាប់ផ្តើមពីតូនាទីជំនួយការទូទៅរបស់គ្រឹះស្ថាន អាតូម ឃែភីថល មីក្រូហ្វាយនែន និងបានតម្លើងតួនាទីជាមន្រ្តីប្រតិបត្តិតាមចាប់ពីឆ្នាំ២០១៩។ កញ្ញាមានបទពិសោធន៍ជាមន្រ្តីប្រតិបត្តិតាមរបស់គ្រឹះស្ថាន ប្រាយម៍ MF មីក្រូហ្វាយនែន, គ្រឹះស្ថាន សហគ្រិនភាព ម៉ាយក្រូហ្វាយនែន និងជាចុងក្រោយ កញ្ញាចូលជាប្រធានប្រតិបត្តិតាមរបស់សាមគ្គី ឃែភីថល ។ កញ្ញាបានបញ្ចប់ថ្នាក់បរិញ្ញាបត្រមុខជំនាញ ធនាគារ និងហិរញ្ញវត្ថុ នៅចុងឆ្នាំ២០១៧ បានបញ្ចប់ថ្នាក់បរិញ្ញាបត្រជាន់ខ្ពស់មុខជំនាញ នីតិឯកជន ពីសកលវិទ្យាល័យភូមិន្ននីតិសាស្រ្ត និងវិទ្យាសាស្រ្តសេដ្ឋកិច្ច និងបញ្ចប់វគ្គបណ្តុះបណ្តាលពាក់ព័ន្ធនឹង Regulatory Compliance ក្នុងឆ្នាំ២០១៩ សម្រាប់លើកទី១ និងលើកទី២ក្នុងឆ្នាំ២០២៣ ពីវិទ្យាស្ថានធនាគារ និងហិរញ្ញវត្ថុ (IBF) ។

លោក ចិន ដាណេ បានចូលរួមជាមួយសាមគ្គី ឃែភីថល ជា ប្រធានគ្រប់គ្រងធនធានមនុស្ស និងរដ្ឋបាលក្នុងឆ្នាំ 2023។ លោក បានបង្កើតជំនាញភាពជាអ្នកដឹកនាំ និងការលើកទឹកចិត្តដ៏រឹងមាំ តាមរយៈបទពិសោធន៍ជាច្រើនឆ្នាំរបស់គាត់ក្នុងការគ្រប់គ្រង និងរដ្ឋបាលជាមួយក្រុមហ៊ុនបរទេស និងក្រុមហ៊ុនឯកជននានាក្នុងប្រទេសកម្ពុជា។ ក្នុងអំឡុងពេលនោះ លោកបានកាន់មុខតំណែងសំខាន់ៗមួយចំនួន រួមមាន អ្នកគ្រប់គ្រងទូទៅ,ប្រធានគ្រប់គ្រងធនធានមនុស្ស និងរដ្ឋបាល, ប្រធានគ្រប់គ្រងបណ្តុះបណ្តាល និងអភិវឌ្ឍន៍ និងអ្នកគ្រប់គ្រងផ្នែកលក់ និងទីផ្សារ លោក មានបទពិសោធន៍ 6 ឆ្នាំក្នុងវិស័យអប់រំផងដែរ។

លោកបានបញ្ចប់ថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រងធុរកិច្ចពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច និងបញ្ចប់ថ្នាក់បរិញ្ញាបត្រការបង្រៀនភាសាអង់គ្លេសជាភាសាបរទេស (TEFL) ពីសាកលវិទ្យាល័យន័រតុន។ លោក បានចូលរួមវគ្គបណ្តុះបណ្តាល និងសិក្ខាសាលាជាច្រើនកម្រិត រួមទាំងការអភិវឌ្ឍន៍អាជីវកម្ម និងផលិតផល ផែនការអាជីវកម្មជាក់ស្តែង ការគ្រប់គ្រងការអនុវត្តប្រកបដោយប្រសិទ្ធភាព ការគ្រប់គ្រងធនធានមនុស្សអន្តរជាតិ ភាពជាអ្នកដឹកនាំធនធានមនុស្ស និងការគ្រប់គ្រង ការដឹកនាំ និងការគ្រប់គ្រងក្រុម និងការបណ្តុះបណ្តាលផ្សេងៗជាច្រើនទៀត ។

លោក ប៉ាក់ ដេវីត មាន​ជំនាញ​គ្រប់គ្រង​ប្រព័ន្ធ​កុំព្យូទ័រ​ជាង 20 ឆ្នាំ​នៅសម្រាប់​សាលា និង​គ្រឹះស្ថាន​មីក្រូហិរញ្ញវត្ថុ​កម្ពុជា។ បច្ចុប្បន្ន​លោក​មាន​តួនាទី​ប្រធានគ្រប់គ្រង ប្រព័ន្ធព័ត៍មានវិទ្យារបស់​ Samaky Capital Plc តាំង​ពី​ឆ្នាំ ២០១៥។ មុនចូលបម្រើការងារជាមួយ សាមគ្គី ឃែភីថល លោក ជាអ្នកគ្រប់គ្រងបណ្តាញ នៅ Fides Services Cambodia ជាង 5 ឆ្នាំ ដោយទទួលខុសត្រូវលើបណ្តាញកុំព្យូទ័រទាំងអស់។ លោកបានបញ្ចប់ថ្នាក់អនុបណ្ឌិតផ្នែកវិទ្យាសាស្ត្រព័ត៌មានវិទ្យាពីសាកលវិទ្យាល័យន័រតុន។